Sa unang panonood pa lamang ng Bilibid Boys (Regal Films, Inc., 1981), madali nang malaman ang pakay at hangad ng ganitong uri ng pelikula. Payak lamang ang nais itumbok ng pelikula at siyempre pa bukod sa walang patumanggang bakbakan, suntukan, habulan at patayan, hinaluan din ito ng kung anu-anong sangkap tulad ng iyakan, sigawan, konting seks at pagpapatawa upang ikasiya ng manonood nito. At bakit nga hindi kung pakakaisiping ang tinatalakay ng Bilibid Boys ay kasaysayan ng mga kabataang naligaw ng landas dahil sa panggrupong impluwensiya. Sa bandang ito, naiiba ang pelikula dahil walang iisang protagonista, hati-hati ang maraming tauhan sa daloy ng naratibo na pinag-isa ng tema. Dahil payak lamang ang nais ipahatid at aliw ang pangunahing layon nito, pinalabas ng pelikula na isang simpleng di pagkakaunawaan lamang sa pagitan nina Don (Jimi Melendez) at Arnold (Allan Valenzuela) ang naging puno't dulo ng kaguluhang kinsangkutan ng barkadang sina Andong (Al Tantay), Noel (Mark Gil), Steve (Alfie Anido), Butch (Gabby Concepcion), Luga (William Martinez) at Caloy (Choy Acuna). Pinalabas ng pelikula ang salimuot ng karanasang pinagdaanan ng mga binata sa loob ng bilangguan. Ang hindi tinlakay sa Bilibid Boys ay ang ilang mahahalagang bagay ukol sa kalagayang panlipunang higit ang kinalaman sa mga isyung inihain ng pelikula.
Tunay, binibigyang atensiyon ng Bilibid Boys ang mga kabataan kahit sa pana-panahon lamang. Pagsunod lamang ito sa diumano'y tiyak na pagsamba ng lipunan sa mga matipuno, walang kulubot at ubang kabataan. Ganito man ang inaakala at inaasahang pangunahing dahilan sa paglikha ng obrang ito, naglalantad pa rin ang pelikula ng mga kahulugan at pagbasa ukol sa kabataan. Kinakitaan ito ng mga kontemporaryong larawan kundi man ng pagbabago o di pagbabago sa halagahan ng lipunang Pilipino. Moderno ang lengguwahe ng mga kabataan sa pelikulang ito na siyang nagpapahayag ng kanilang reyalidad. Maging ang kanilang pagbibihis ay umaagapay sa subkulturang nagtuturing sa moda bilang pasaporte sa paglahok sa mga gawain ng partikular na grupong nais kabilangan. Bago matapos ang pelikula, mapapatay si Luga gawa ng pananambang ng mga kasamahan ng katunggaling grupo. Ganoon din naman si Caloy, mapapaslang ito upang mapaghigantihan ang taong umutas sa buhay ni Luga. Sinubok ng Bilibid Boys na kumawala sa lumang etikang nakabatay sa pagsasalarawan at pag-unawa sa mga kabataan. Naroon pa rin ang paniniwalang wala silang muwang sa pagharap sa hamon ng lipunan ngunit sa dakong huli'y nabigyan din ng pagkakataong magpasiya upang matagpuan ang lagay sa lipunang patuloy na nagbabago.
Direksiyon: Ishmael Bernal
Dulang Pampelikula: Deo Fajardo, Jr.
Sinematograpiya: Sergio Lobo
Musika: The Vanishing Tribe
Editing: Augusto Salvador
Disenyo: Peque Gallaga
Produksiyon: Regal Films, Inc.
4:20 AM
Its not really one of the best teen-angst flick that came out in the early 80's since its motive is to attract the moviegoers because of its commercial appeal. Loved the production design in this film, hehe.
4:23 AM
it's one of Bernal's more mainstream films which featured the most sought after young actors of the 80's. it was also one of his biggest box office hits. i wonder why you loved the production design?
4:28 AM
I prefer Bernal's ITO BA ANG ATING MGA ANAK over this movie. But the technical aspects are good.
4:39 AM
in terms of narrative definitely! Ito Ba ang Ating Mga Anak delves deeper into the dilemma of being young which was not dealt with in Bilibid Boys
4:41 AM
In the opening scenes of ITO BA ANG ATING MGA ANAK, you could sense already that Bernal got the milieu right!
4:46 AM
walking around Araneta Center? he did it in Bilibid Boys as well. Bernal introduced us to all seven characters even before the opening credit sequence, quite an amazing feat if i may say so...
4:51 AM
Among the batch of Regal babies launched in this film, only Choy Acuna didn't reach the stratosphere in terms of popularity.
4:53 AM
Caloy was sort of the traitor among the group... i don't even remember if he made another film after Bilibid Boys... i met him in person at Deo Fajardo's apartment in the mid 80's nice guy...
4:57 AM
Is Max Jocson part of The Vanishing Tribe, Jojo?
4:59 AM
no he's not but Winston Raval was... he scored Bernal's Himala and Relasyon...