Ang mahapdi, ngunit di maiiwasang ugnayang pagpapasiya ng tao ang bumubuo sa reyalidad ng pelikulang Misteryo Sa Tuwa (Experimental Cinema Of The Philippines, 1984), sa pagsasalaysay sa kuwento ng mga kaingero sa isang maliit na baryo at kung paanong nabago ang kanilang buhay dala ng isang malagim na trahedya. Ang salimuot ng pagkatao sa pagharap sa magiting na krisis moral ang nagsulong sa naratibong inilatag ng dulang pampelikula ni Abbo de la Cruz. Ang kahindik-hindik na karanasang dinanas ng magkakaibigang (Ponsoy) Tony Santos, Mesiong (Johnny Delgado) at Jamin (Ronnie Lazaro) sa kamay ni Castro (Lito Anzures). Sa simula, isinalarawan ang isang pagtitipong naudlot ng di inaasahang pagbagsak ng isang eroplano sa kabilang bahagi ng bundok. Ginalugad ng pelikula ang mga hangganang maaring tahakin ng tao dala ng labis na kasakiman. Ang pakikisangkot ni Alkalde Valle (Mario Taguiwalo) kay Castro upang mapasakamay ng mga ito ang maletang naglalaman ng kalahating milyong piso ay pasukdol na pagsasalarawan ng korapsiyong nanunuot sa pamahalaan. Epektibong nagamit ang mga tunog gayundin ang itim-puting mga larawan sa simula at dulo ng pelikula upang itampok ang mga prosesong naganap sa kamalayan ng mga tauhan. Madulas din ang pagdaloy ng mga eksena sa pamamagitan ng epektibo at simbolikong mga biswal at masisteng dayalogo na nakapaghanda sa manonood samantalang naghahatid din ng kapanabikan.
Ang masalimuot na kasaysayang ito ay mahusay ding naisabuhay ng pambihirang galing sa pagganap. Katangi-tangi ang ipinamalas ni Amable Quiambao sa matimpi, matapang, puno ng pag-ibig at lihis sa pagkakahong pagsasakarakter kay Ada, ang maybahay ni Ponsoy. Nangingibabaw ang pagganap ni Johnny Delgado sa papel ni Mesiong. Mahusay niyang naisadula ang madalamhating larawan ng isang lalaking may matayog na ambisyon at pagnanasang mabigyan ng magandang buhay ang kanyang pamilya. Bukod dito, higit na yumayaman ang pagganap kung babasahin ang buhay ng mga tauhan kaalinsabay ng kaganapan sa lipunang Pilipino. Sa pagtatapos ng pagsasalaysay sa trahedyang ito, makakamtan lamang ang kaliwanagan sa pamamagitan ng pagnilay-nilay sa pagkaugnay ng buhay ng sambayanan sa buhay at karanasan nina Ponsoy, Mesiong at Jamin. Isang pelikula ang Misteryo sa Tuwa na ipinapakitang masusuheto ang omnipotenteng lakas ng sinumang mapagmalabis sa pamamagitan ng kolektibong pagkondenang isinagawa ng isang komunidad ng mga mamamayan tungo sa malinaw na pagkakaroon ng responsableng pagkatao.
Dulang Pampelikula At Direksiyon: Abbo Q. de la Cruz
Sinematograpiya: Rody Lacap
Musika: Jaime Fabregas
Editing: Jess Navarro
Disenyo: Don Escudero At Rodell Cruz
Produksiyon: Experimental Cinema Of The Philippines
11:33 PM MST
One of my favorite films from the ECP archive. One hit wonder of Abbo dela Cruz. Underrated but deserves to revisit over and over again. Way, way ahead of its time. I love the opening scene, it has a docu feel!
4:14 AM MST
it's indeed a great film! the plot about the three main characters keeping the money was reminiscent of Sam Raimi's A Simple Plan although Misteryo Sa Tuwa was shown several years earlier.
1:59 AM MST
Hi Jojo,
This is a great film. I saw it in ABS-CBN Now! (subscrition-based service). I watched it in my PC in a small window but it still worth it. I recently checked out the site and they no longer have it. Too bad.
RSE
4:21 AM MST
i love period movies and this is one visually rich film. too bad Abbo de la Cruz wasn't able to live up to our expectations as a filmmaker. instead he made ST films for Seiko in the 90's under the pseudonym Rico Mambo. i guess ABS-CBN now changes their schedule every month. they'll probably feature Misteryo one of these days.