Ang Shake, Rattle & Roll (Athena Productions, Inc., 1984) ay tatlong maikling kuwentong nakapaloob sa isang pelikula. Ang una'y pinamagatang Baso na tila inulit lamang ang kuwento ng pelikulang Maruja (1968) na dinagdagan ng mga nakahihindik na tagpo. Sa paglalaro ng Spirit Of The Glass ay nadiskubre nina Paolo (Rey "PJ" Abellana), Johnny (Joel Torre) at Girlie (Arlene Muhlach) na nabuhay sila noong panahon ng Kastila bilang sina Ibarra, Juanito at Isabel. Magkasintahan sina Juanito at Isabel na nagkawalay dahilan sa sumama ang una sa pakikipag-aklas laban sa mapanupig na mga Kastila. Ilang taon ang lumipas ay bigla na lamang nabalitaan ng dalaga ang pagkamatay ng katipan sa pakikipag-laban. Sa puntong ito nagbalik si Ibarra at inalok ng kasal si Isabel. Lingid sa kaalaman ng mga sundalong naglibing sa mga namatay na kasamahan ay hindi pa patay si Juanito ay sa unang gabi ng bagong kasal ay nagbalik ito sa tahanan ng dating kasintahan upang makapaghiganti sa pagtataksil na ginawa ng matalik na kaibigan. Dito tuluyang napatay ni Ibarra si Juanito at dahil sa hindi matanggap ng kanyang konsiyensiya ay nagpakamatay si Ibarra, habang unti-unting binawian ng buhay si Isabel dahil sa pagkakasakit dala ng labis na paghihinagpis. Natuloy lamang ang napipintong paghihiganti ni Juanito sa kasalukuyang panahon nang muling magharap ang tatlo. Napatay nina Paolo at Johnny ang isa't-isa bilang kabayaran sa kanilang mga pagkakasala. De-kahon ang ipinamalas na pagganap nina Rey "PJ" Abellana, Joel Torre at Arlene Muhlach sa kanilang mga ginampanang papel. Hindi naisaad ng maayos ang pagkakaiba ng mga karakter sa magkaibang panahon na siyang lunan ng istorya. Salat din sa disenyo at aspetong biswal ang Baso. Walang naipakitang bago ang mga manlilikha ng kasaysayan sa pagsasalarawan ng kuwentong nais nitong ipahatid.
Ang ikalawa at pinakamahusay sa tatlo ay pinamagatang Pridyider ay tungkol sa mag-inang Lorna at Virgie (Charito Solis at Janice de Belen) na bagong lipat sa isang bahay bagamat malaki ay walang naninirahan. Kasama nila sa bahay ang katulong na si Nelia (Emily Loren) at pamangking si Dodong (William Martinez). May di maipaliwanang na mga misteryong pumapalibot sa kabahayang ito. Sa pag-iimbestiga ni Detective Caloy Torres (Lito Gruet) ukol sa pagkamatay ni Nelia, napag-alaman nitong sa bahayan na iyon naganap ang isang malagim na krimen noong taong 1975. Kung saan tinadtad ng killer ang mga biktima nito at itinago ang iba't-ibang bahagi ng katawan ng mga ito sa loob ng pridyider. At ito ang ginamit na aparato ng killer sa muli nitong paghahasik ng lagim. Maraming nakakahindik na mga tagpo ang kasaysayang ito. Mahusay din ang pangkalahatang aspetong teknikal dito. Higit itong pinagtuunan ng pansin ng direktor na si Ishmael Bernal at manunulat na si Amado Lacuesta, Jr. Maingat din sa detalye ang kabuuan ng kuwento. Sa humigit kumulang apatnaput limang minuto ay naipahayag ng maayos ang naratibo ng kasaysayan. Napapalooban din ito ng de-kalibreng pagganap mula kina Charito Solis at Janice de Belen. Sa tagpong naging pugot na ulo ang repolyong huhugasan sana ni Lorna ay tunay na epektibo si Charito Solis. Tuhog ang eksena mula sa kusina hanggang sa kanyang pagtakbo sa labas ng bahay. Samantalang kapuri-puri si Janice de Belen sa tagpo kung saan tila nakikipag-niig na ito sa pridyider. Malaking tulong din ang makapigil-hiningang editing ni Jess Navarro dito. Napagbigkis nito ng maayos ang mga eksenang tunay na ikagugulat ng manonood.
At ang huli ay ang Manananggal na kuwento ni Douglas (Herbert Bautista), isang binatang nanliligaw sa misteryosang dalagang si Anita (Irma Alegre) na lingid sa kanyang kaalaman ay ang manananggal na naghahasik ng lagim sa tahimik na baryo. Maraming problema ang dulang pampelikula ni Rosauro de la Cruz dahil hindi naipaliwanag ang tunay na intensiyon ni Douglas kay Anita. Ipinakita lamang sa simula na nanghaharana ito sa dalaga. Nakakapagtaka rin kung paanong napaghihimay-himay ng aswang ang kanyang biktima samantalang wala itong mga pangil. Ang desisyon ni Peque Gallaga na ipikita sa pamamagitan ng animasyon ang paglipad ng manananggal ay hindi naayon sa masusing aspetong biswal ng kasaysayan. Kapani-paniwala ang tagpo kung saan nahahati ang katawan ni Anita bago ito lumipad. Lubhang maliwanag din ang sinematograpiya sa mga eksenang hinahabol ng manananggal si Douglas sa gubat na animo'y tanghaling tapat ngunit gabi ito nagaganap. Sa pisikal na kaanyuan ay kapani-paniwala si Irma Alegre bilang si Anita, ang manananggal ngunit hindi naman ito nabigyan ng pagkakataon upang maipakita kung anumang talento mayroon ang aktres. Napagwagihan naman ni Herbert Bautista ang karangalan bilang Pinakamahusay Na Aktor sa taunang Pista Ng Pelikulang Pilipino, subalit wala naman itong ipinakitang bago sa kanyang pagganap. Hindi nabigyan ng sapat na pagkakataon ang mga tauhan upang maisalarawan ng maayos ang kani-kanilang mga papel. Sapat ang kaalaman ng mga manlilikha ng kasaysayang ito sa mito ng mga aswang ngunit maraming mahalagang kaalamang kinakailangan upang lubusan itong maging kapani-paniwala. Hindi lamang pananakot ang dapat isaisip ng mga nasa likod ng isang proyektong tulad ng Shake, Rattle & Roll. Sa pagbibigay aliw sa mga manonood kailangang makapagbigay din ang pelikula ng sapat na kaalamang tutugis sa isipan ng masang Pilipino.
Direksiyon: Emmanuel Borlaza (Baso)
Ishmael Bernal (Pridyider)
Peque Gallaga (Manananggal)
Dulang Pampelikula: Jose N. Carreon (Baso)
Amado Lacuseta, Jr. (Pridyider)
Rosauro de la Cruz (Manananggal)
Sinematograpiya: Ely Cruz
Musika: Jaime Fabregas
Editing: Jess Navarro
Disenyo: Ben Payumo (Baso)
Elmer Manapul (Pridyider)
Don Escudero (Manananggal)
Produksiyon: Athena Productions, Inc.
10:33 PM
Nice, nice review Jo of this cult classic that started the SRR franchise. BASO was actually ripped off from Maruja, Arlene Muhlach is so sweet and beautiful during her heyday, its my least fave among the 3 episodes.
PRIDYEDER is spine-chilling! I wish Bernal had explore more of the horror genre which terrified me when I saw it at Gotesco Cinema in Caloocan back in 1984. Was it based on a true story?
MANANANGGAL is pure fun and scary! The scene wherein Irma Alegre chasing Herbert, loud screams envelope the whole cinema when I watched it. And yeah, my gripe for this one is they change to animation the scene wherein Irma Alegre was flying in the sky near the moon, sort of Peque's tribute to E.T. perhaps in the horror genre.
The three episodes were all star studded, smorgasboard but the whole atmosphere make up for it declaring SHAKE RATTLE & ROLE as a certified cult classic! I wish to see it again on the big screen!
2:50 PM
shake rattle and roll was such a big hit way back in 1984. my fave episodes were PRIDYIDER and MANANANGGAL. cant forget scenes like the severed head in the fridge,emily loren eating the mangoes then getting killed by the fridge,and mon alvir enjoying his spagetti,and lito gruet was so hot. but so was irma alegre,it was spine chilling when she was following herbert in the woods. were there any other films produced by ATHENA PROD. jojo? was this co-produced with regal films? jojo,would you please review LOVINGLY YOURS,HELEN THE MOVIE? tnx!
4:35 PM
thanks a lot Onat! i agree that SRR started the horror movie craze in the mid '80's although it took almost six years to revive the franchise. Pridyider is original and that Bernal touch is evident throughout the entire episode. it's an original concept by Amado Lacuesta inspired by tabloid headlines of the early 70's. Mananaggal is scary alright but i wish Gallaga and Uro de la Cruz gave some time to develop their characters. the special effects was great considering it was 1984 and the location was eerie enough but the biggest letdown was the cinematography and the design by Don Escudero although it earns points in implementing huge bat-like wings for Irma Alegre's manananggal. gone are the days of smaller wings like Gloria Romero's in Lipad, Darna, Lipad!
4:40 PM
hi dexter!
i can tell that this is one of your favorite films. Athena Productions only produced two movies SRR and Mel Chionglo's Company Of Women. Douglas Quijano along with longtime friend Jeresito Distor and brothers Mark and Ivo Quijano formed this production outfit. unfortunately due to the money they lost with Company Of Women Athena had to close shop. That's why the SRR franchise rights were sold to Regal Films which produced the numerous sequels in the 90's.
4:30 AM
SRR's master print was also left at the vault of Manila Film Center. I'm glad that Cinema One also have it, but its in bad shape now and needs to be clean.
11:30 AM
was it really? i thought SRR's master print was given to Regal for safekeeping... unless they didn't take care of it. most of Regal produced movies in the late 70's and early '80's are presumably gone.
2:58 AM
Yep, did Regal sold most of their films to Cinema One, Jo?
3:53 AM
i would say most of their films...
2:00 AM
This is one of my favourite mainstream pinoy horror movie.
12:27 PM
i want to wacth the shake rattle and roll 1984..bcoz i thinnk that movie is so beautiful....i like to wacth that............
on channel 17 star cinema
11:18 AM
Hey guys, i've seen this film when i was a little kid and about the segment "pridyider", i didn't understand until now it's story. How did the rapist die? As i understood when i was a kid the rapist was killed and placed its dismembered body inside the fridge and its soul possessed the fridge then since he's a rapist, he raped janice de belen. Am i right?
9:09 AM
Manananggal segment could have been good but didn't like it because some shots suddenly shifted from nighttime to daytime in one scene.
9:01 PM
watch pinoy tv show here pinoy-fans.org
or download our android application here Philipine TV Replays android app
or download our apple application here Philipine TV Replays ios app
LIKE US : Facebook